Projekti “Automated NPS” nga OnSolutions ngre përvojën e klientit në një stad tjetër

OnSolutions ka implementuar projektin “Automated NPS”, i cili i ofron mundësinë partnerëve të retail-it  të marrin vlerësimin e klientëve menjëherë pas çdo blerjeje në dyqan.

Çdo klient i Grupit BALFIN tashmë do të ndihet i vlerësuar nga një partner që kujdeset për të, duke arritur kështu ta diferencojë Grupin BALFIN si lider në standardet e shërbimeve të ofruara.

Tashmë, me implementimin e NPS (Net Promoter Score) të automatizuar, partnerët e retail-it  do të jenë në gjendje të evidentojnë në kohë reale se sa të kënaqur janë klientët e tyre dhe të kuptojnë se sa efikase janë strategjitë e tyre të biznesit, për të marrë më pas vendime bazuar në analizën e rezultateve.

Duke arritur të ndërtojë strategjitë e duhura për t’i kthyer “kritikuesit” në  “promovues“, si dhe duke vendosur NPS si një indikator kyç të performancës për dyqanet ose stafin, çdo kompani retail-i, së bashku me OnSolutions, do të krijojë një standard më të lartë si dhe kulturën e shërbimit me klientin në fokus.

“Nëse nuk po konsideroni reagimet e klientëve, atëherë po humbisni një mjet vendimtar për përmirësimin e biznesit tuaj. Përvoja e klientit është avantazhi më i mirë konkurrues që mund të keni dhe parashikuesi më i mirë i suksesit afatgjatë,” tha Evjeni Lulo, Menaxhere e Kontraktimit të Proceseve të Biznesit dhe Përvojës së Klientit.

Projekti “Automated NPS” është vetëm i pari për këtë vit, pasi OnSolutions po punon fort për realizimin e një sërë projektesh që synojnë të mbështesin secilin nga partnerët e tij në fuqizimin dhe rritjen e biznesit të tyre.